Bek karu sama si bansa.

oleh Yusuf Djalil Peureulak pada 25 Juli 2011 jam 14:32

Asslamualaikum keumandum rakan.
Ka akhe syakban keuneuk puasa.
Nyang toke2 siboek konwayang.
Cok keusimpulan leumo geumita.

Leumo geusie uroe makmeugang.
Kon piasan keubit nyoe nyata.
Kon loen peugah loen karang2.
Keubit nyoe rakan ata katrep na.

Nyang na peng aneuk pih seunang.
Meuleumpah sayang aneuk hana ma.
Ma nyang taguen mangat kon wayang.
Meubayang-bayang di roe ie mata.

Nyang hana ayah pih leumpah sayang.
Karap mameugang ayah geubungka.
Meuleumpah seudeh wate loen bayang.
Bansa loen tuan sabe meurana.

Bak gara-gara piasan malam.
Kajeuet keulawan wahai chedara.
Kon dawa mantong wahe e rakan.
Meu suet2 parang di teungoh kota.

Ban tabaca ka nibak koran.
Ka meutimphan di matang glp dua.
Peujeuet di timbak gopnyan hai rakan ?.
Puegara utang jawoeng di hila ? .

Pue di timbak gara2 utang ? .
Atau hai rakan reuboet kuasa ? .
Meunyoe salah peu ek peungadilan.
Tangieng di sinan soe tamong peunjara.

Meunyoe naggroe kana hukoem.
Meunuroet uloen meunan cara.
Meunyoe nanggroe hana hukoem.
Soe nyang tiga tum,nyan nyang kuasa.

Hana loen tukri hana loen paban.
Hana soe tujan wahe chedara.
Kadang loen singoh ka di hantam.
Preh giliran oh troek bak masa.

Katrep di ranto meu chen keurakan.
Hawa loen tuan sawue chedara.
Mungken nyoe wate dicok keusempatan.
Di tum loen tuan ajai pih teuka.

Hana loen teupue kadang na dendam.
Seubab loen tuan aceh merdeka.
Ngon peunjajah mudah loen meucang.
Kameuri lawan kameuri muka.

Ngon munafik nyang hek loen tuan.
Loen pike rakan padahai biek beulanda.
Nyoe nyang susah rakan loen sayang.
Meuban ta meucang ka ngon chedara.

Beu ta turi nyang toh rakan.
Sigoh ta meucang bek rugoe teuma.
Keupue lom teulah oh lheuh ta meucang.
Kalheuh keujadian jeubok chedara.

Musoeh aceh di khem meukhah-khah.
Lheuh nyan di peugah kita damai saja.
UUPA jawa karta nyang peusah.
Lheuh nyan di tamah ka deungon MK.

Sinan kueh punca rakan meutuah.
Bek peusalah rakan sebansa.
Jeh jawa karta nyang jeulaih salah.
UUPA sah keupue lom MK.

Beuneutupue politek peunjajah.
Di khem meukhah-khah di jawa karta.
Parpol dan DPRA ka sapue peugah.
Alamat salah wahai chedara.

Kon Irwandi nyang ta peusalah.
Nyang peureule bantah jawa karta.
UUPA kalheuh di peusah.
Keupue di tamah nyan MK.

Meunyoe hana MK cit hana karu.
Meunan teungku nyang loen peumulia.
Na MK Independen raya su.
Kana UU rot peugah haba.

Nyang hana perte teuntee di meusu.
Hana rot tuju pangku kuasa.
Rot Independen teuntee di meusu.
Kana rot tuju neuk mat kuasa.

Politek aceh memang that karu.
Meumacam lagu di peugah haba.
Rakyat pileh keudroe wate peumilu.
Di sinan ta eu soe rakyat suka.

Na Independen saban cit teungku.
Hana pue karu teutap Indonesia.
Oh noe dilee meu'ah loen teungku.
Bek karu-karu aceh mulia.